అసలు మా ఊరిలోకి 3G సేవలే సరిగ్గా రావట్లేదు అప్పుడే ఈ 5G ఏంటని ఆశ్చర్యపోతున్నారా! మన కోసం ప్రపంచం ఆగదు కదా. మన సంగతి ఎలా వున్నా బయట దేశాలు మాత్రం ఎప్పుడో 5G ట్రయల్స్ ను మొదలుపెట్టి ఉపయోగించబోతున్నాయి కూడా. అయితే త్వరలో మన దేశానికి కూడా ఈ 5జి తాకిడి తగలనుంది. కొద్ది రోజులలో మన దేశ ప్రధాన నగరాలలో ఈ 5G సేవలను ఉపయోగించుకోవచ్చు. దానికి సంబదించిన ప్రణాళికలు సిద్ధమవుతున్నాయి. అసలు ఈ 5జి యొక్క సాధ్యా సాధ్యాలు ఏమిటో చూద్దాం.
- ప్రస్తుత సమాచారం ప్రకారం మనకు అప్పుడప్పుడు వచ్చే 4జి కన్నా ఇది 50 రెట్లు వేగంతో నెట్ వర్క్ ను మన చేరువ చేస్తుంది. అంటే ఒక 1GB ఫైల్ ఏదైనా డౌన్లోడ్ చేయాలంటే అది మనకు 30 సెకన్లలో అయిపోతుంది.
- 4G తో పోల్చుకుంటే సిగ్నల్ వ్యవస్థ మెరుగు పడుతుంది
- వీడియో కాలింగ్ ఇకపై తేలిక కానుంది
- వర్చ్యువల్ రియాలిటీ చేరువ కానుంది. కాబట్టి కొత్త ఆన్లైన్ గేమ్స్ మరియు యాప్స్ యొక్క డెవలప్మెంట్ కు పునాది పడుతుంది.
- సిగ్నలింగ్ వ్యవస్థ మెరుగుపడనుంది. దీని ద్వారా గవర్నెన్స్ సులభం అవుతుంది
- భవిష్యత్తులో ప్రకృతి నుంచి వచ్చే అనర్థాలను ముందుగానే గమనించవచ్చు
- 4జి తో పోల్చుకుంటే సిగ్నల్ లాటెన్సీ 5జి లో చాలా తక్కువ. కాబట్టి సిగ్నల్ అనేది ఎప్పుడూ అందుబాటులోనే ఉంటుంది మరియు డిస్ కనెక్షన్ ఫిర్యాదులు వుండవు.
- ఒకే సారి మీ స్మార్ట్ ఫోన్ లో 4 అప్లికేషన్స్ వరకు ఉపయోగించవచ్చు.
- అయితే, 5జి సేవలు ఇండియాలో అడుగుపెట్టాలంటే 2020 లో పునాది పడనుంది
- కొన్ని టెలికాం కంపెనీలు ఇప్పటికే ప్రభుత్వానికి చెల్లించాల్సిన బకాయిలు వేళ కోట్లలో వుండగా, కొత్తగా రాబోతున్న ఈ 5జి స్పెక్ట్రమ్ ను ఎలా చేజిక్కించుకుంటారో చూడాలి.
- భారతీ ఎయిర్‌టెల్ మరియు వొడాఫోన్ ఐడియా పాటుగా నోకియా, ఎరిక్సన్ మరియు హువాయ్ కంపెనీలు 5 జి ట్రయల్స్‌లో పాల్గొనడానికి దరఖాస్తు చేసుకున్నారు. కాగా తదుపరి స్పెక్ట్రం వేలం మార్చి 2020 నాటికి జరగాల్సి ఉంది.